د کرنې، مالدارۍ او اوبولګولو پر ستونزو د اوبو په چارو کې د هالنډ ځانګړی استازی او د هالنډ له سفیر سره د کرنې وزیر لیدنه
۲۱ غبرګولی ۱۳۹۸
د کرنې، اوبولګولو او مالدارۍ وزیر نصیر احمد درانی د خپل کار په دفتر کې د اوبو په برخه کې د هالنډ ځانګړی استازی ښاغلی هینک اوینګ «Henk Ovink» او د هالنډ له سفیر ښاغلی ارنسټ نورمن سره وکتل.
په دې لیدنه کې دکرنې وزیر د افغانستان د مالدارۍ او اوبولګولو په برخه کې شته فرصتونو او ستونزې له دوی سره شریکې کړې. هالنډ د اوبولګولو او مالدارۍ په برخه کې ترټولو مدرن او عصري سیسټمونه او په دې برخه کې ښې تجربې لري. ښاغلی درانی د وچکالۍ، سیلابونو، د سیلابونو د مدیریت او د مالدارۍ او اوبولګولو په برخه کې پر وړتیا لوړولو خبرې وکړې. هغه پر یادو موضوعاتو خبرې اترې وکړې، چې د هالنډ تجربې څنګه کولای شي، چې په یادو برخو کې د افغانستان د ستونزو په هوارولو کې مرسته وکړي.
په دې لیدنه کې د هالنډ ځانګړی استازی ښاغلی هینګ اوینک وویل کومې تجربې، چې دوی د وچکالۍ د ګواښونو د کچې ټېټولو، د سیلابونو د مدیریت او د اوبولګولو او مالدارۍ په برخه کې لري د کرنې له وزارت سره همکاري کوی.
