نیمروز کې د هندواڼو او خټکیو حاصلات کابو۶۰ سلنه زیاته شوې
۲۱ غبرګولی ۱۳۹۸
د نیمروز د کرنې، اوبولګولو او مالدارۍ ریاست چارواکي وایي، چې د تېر کال په پرتله سږ ددې ولایت د هندواڼو او خټکیو حاصلات ۵۰ تر ۶۰ سلنه زیاته شوې ده. د دوی په خبره سږ کال ددې ولایت په ۴۰ زره هکټاره ځمکه کې هندواڼه او خټکي کرل شوي دي.
د نیمروز د کرنې ریاست چارواکي وایي، چې ددې ولایت د هندواڼو او خټکیو حاصلات د تېر ۳ کلونو په پرتله کابو ۳۰۰ سلنه زیاته شوې ده. د یاد ریاست چارواکي وایي، چې ددې ولایت د هندواڼو او خټکیو ډېری کروندې د چخانسور په ولسوالۍ کې شتون لري، چې تر دې د مه ددغو کروندو حاصلات بازار ته وړاندې شوي نه دي خو د یوشمېر نورو ولسوالیو محصولات لا له وړاندې بازار ته وړاندې شوي دي.
د نیمروز ولایت د کرنې ریاست د کرنې، سوداګرۍ او مالیې له وزارتونو غوښتي، چې ددې ولایت تولیداتو ته په کور دننه او بهر د پلور زمینه برابره کړي.
