کندهار کې د زعفرانو لس ننداریزې قطعې جوړیږي

content_admin
دوشنبه ۱۳۹۹/۸/۵ - ۱۳:۳۱
کندهار کې د زعفرانو لس ننداریزې قطعې جوړیږي

۵ لړم ۱۳۹۹
د کندهار د کرنې، اوبولګولو او مالدارۍ ریاست چارواکي وایي، چې په دې ولایت کې د زعفرانو د کرکېلي د ترویچ په پار پر یوشمېر بزګرانو د زعفرانو تخم «پیاز»، کیمیاوي سرې، تقویتي درمل او اړین توکي وېشلي دي، چې له مخې به یې ددې ولایت په مرکز او یوشمېر ولسوالیو کې د زعفرانو لس ننداریزې قطعې جوړ شي.
د زعفرانو پیاز او کرنیزې بستې ددې ولایت د مرکز او یوشمېرولسوالیو پر مخکښو بزګرانو وېشل شوي دي.
د کرنې وزارت، په کندهار کې د زعفرانو ۱۰ ننداریزېقطعې جوړوي، چې هره ننداریزه قطعه یې په یوه جریبه ځمکه کې جوړیږي او د هرې ننداریزې قطعې د جوړولو په پار ۵۰۰ کیلوګرامه د زعفرانو پیاز، کیمیاوي سره، تقویتي درمل او یو کرنیزه بسته وېشل شوې ده.
د کندهار د کرنې ریاست وایي، چې کندهار دزعفرانو کرکېلي او تولید له پاره ښه مناسب اقلیم لري، او په دې ولایت کې د زعفرانو کرکېله د کمیت او کیفیت له پلوه ښه نتیجه ورکړې ده.
په دې وروستیو کلونو کې د کندهار په ځینو سیمو کې د زعفرانو کرکېله ترویج شوې ده. د کندهار د کرنې ریاست هیله لري چې، ډېر ژر په دې ولایت کې د زعفرانو کرکېله او تولید زیات شي.
د یادونې وړ ده، چې هغو مخکښو بزګرانو ته چې، ورته د زعفرانو ننداریزې قطعې جوړیږي، د کرنې وزارت د زعفرانو متخصصینو له لورې ورته د زعفرانو کرکېلي، حاصل ټولولو او پروسس په برخه کې عملي او نظري زده کړې هم ور کول کیږي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت