سږ د سبو او جوارو څه باندې دوه زره ننداریزې قطعې جوړې شوي دي
۲۹ زمری ۱۳۹۹
د کرنې، اوبولګولو او مالدارۍ وزارت د ۱۳۹۹یم مالي کال په لومړی نیمایي، کې د هېواد په بېلابېلو برخو کې د سبو او جوارو دوه زره او ۱۵۰ ننداریزې قطعې جوړې کړي دي.
د روان مالي کال په لومړی نیمایي، کې د کندز، کندهار، بلخ، ننګرهار، هرات او کابل په ولایتونو کې د سبو یوزر او ۳۵۰ ننداریزې قطعې جوړې شوي دي. دغه ننداریزې قطعې هر یوه یې په یوه جریبه ځمکه کې جوړې شوي دي.
دغه راز د روان مالي کال په لومړی نیمایي کې د لوګر او ننګرهار په ولایتونو کې د جوارو ۸۰۰ ننداریزې قطعې جوړې شوي دي. دغه ننداریزې قطعې هر یوه یې په یوه جریبه ځمکه کې جوړې شوي دي.
په همدې حال کې د ۱۳۹۹یم مالي کال په لومړی نیمایي کې د بذري تخمونو د ۶۶ زره جریبه کروندو څارنه شوې او په ورته وخت کې په ټول هېواد کې د اصلاح شوي تخمونو پر تولیدوونکو شرکتونو څلور زره سرټفیکېټونه هم وېشل شوي دي.
