پکتیا کې د ځنګلونو خوندي کولو په پار پر نږدې درې زره کورنیو اصلاح شوي نغري وېشل کیږي

content_admin
پنجشنبه ۱۳۹۹/۵/۲۳ - ۱۳:۳۱
پکتیا کې د ځنګلونو خوندي کولو په پار پر نږدې درې زره کورنیو اصلاح شوي نغري وېشل کیږي
۲۳ زمری ۱۳۹۹
د پکتیا د کرنې، اوبولګولو او مالدارۍ ریاست وایي، چې په دې ولایت کې د ځنګلونو د پرېکېدو د مخنیوي او چاپېریال ساتنې په پار دیاد ولایت د احمدآباد او سیدکرم ولسوالیو پر دوه زره او ۹۵۵ هغو کورنیو چې د ځنګلونو شاوخوا کورونه لري او ژوند کوي اصلاح شوي نغري وېشل کیږي.
په هغه غونډه کې، چې د یادو نغریو د وېش په موخه جوړه شوې وه د پکتیا مرستیال والي عبدالولي سهي، د کرنې رییس محمدالدین مومند او د دې ولایت یوشمېر نورو سیمه ییزو چارواکو ګډون درلود.
د پکتیا مرستیال والي عبدالولي سهي وویل، طبیعي ځنګلونه د خدای ستر نعمت او زموږ ملي شتمني ده، د ځنګلونو ساتنه او پالنه پرموږ ټولو لازمې ده. ښاغلی سهي پر پکتیاوالو غږ وکړ چې ددې ولایت د طبیعي ځنګلونو بیارغونې او ساتنې ته جدي پام وکړي.
په همدې حال کې د پکتیا دکرنې رییس محمدالدین مومند وویل، چې د یادو نغریو د وېش لړۍ د پکتیا ولایت د احمد اباد له ولسوالۍ څخه پیل شوې ده او په دې ولسوالۍ کې پر یو زر او ۴۷۷ کورنیو اصلاح شوي نغري وېشل شوي دي. ښاغلی مومند وویل، چې په نږدې راتلونکې کې به ددې ولایت د سیدکرم ولسوالۍ پر یو زر او ۴۷۸ کورنیو هم اصلاح شوي نغري ووېشل شي.
محمدالدین مومند وویل، چې د کرنې ریاست د ځنګلو ساتنې او پالنې ته ژمن دی او په دې برخه کې تل هلې ځلې کوی.
باید وویل شي، چې له اصلاح شویو نغریو څخه ګټه پورته کول د طبیعي ځنګلونو د خوندي کولو ترڅنګ د چاپېریال په ساتنه او د ګلخانه یې ګازونو د کچې په ټېټولو کې رغنده رول لري.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت