ارزګان کې پر څلور زره بزګرانو د سبو تخمونه وېشل کیږي

۳۰ غویی ۱۳۹۹
د کرنې، اوبولګولو او مالدارۍ وزارت د « ANCC» همکارې موسسې او د ملګرو ملتونو د خوړو او کرنې ادارې «FAO» په مالي لګښت د ارزګان پر څلور زره بزګرانو کرنیزې بستې او د حبوباتو او سبوتخمونه او کیمیاوي سره وېشي.
د ارزګان د کرنې رییس احمدشاه خیري وایي، چې پر دغو بزګرانو د اته قلمه سبو د تخمونو لړۍ نن پیل شو، چې په کې د پيازو، بنډۍ، توربانجان، رومي بانجان، سره ملی، ګشنیز او ماروکدو شامل دي.
د سبو او حبوباتو د تخمونو او کیمیاوي سرو له وېشلو څخه موخه د اصلاح شویو ورایټیو رواجول، د نویو کرنیزو لاروچارو معرفي، د مالدارۍ او کرنې په برخه کې د نوي ټکنالوژۍ کارونه، د څاریو لپاره د باکیفیته خوراکي توکو چمتو کول او د مالدارانو او بزګرانو د عوایدو د کچې لوړول ښودل شوي دي.