ننګرهار  کې ٦٠ بې وزله کورنیو سره د هګیو چرګانو مرسته وشوه

mail-admin
سه‌شنبه ۱۴۰۵/۷/۷ - ۱۵:۳۳
ننګرهار  کې ٦٠ بې وزله کورنیو سره د هګیو چرګانو مرسته وشوه

۷ تله ۱۴۰۵ هـ.ش 
۱۶ رَبِیعُ الْثاني ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په هڅو، د ډاکار مؤسسې په تخنیکي همکارۍ او د «ډانیډا» مؤسسې په ٢ میلیونه او ١٦٠ زره افغانیو مالي ملاتړ، د کوټ، چپرهار او رودات ولسوالیو ٦٠ بې وزله، تازه راستنو شوو هېوادوالو او اړمنو کورنیو سره د هګیو چرګانو مرسته وشوه.
د ننګرهار د کرنې، اوبو لګولو او مالدارۍ رییس مولوي عبدالستار محمد، وویل، چې دغه پروګرام د اړمنو کورنیو د اقتصادي وضعیت د ښه والي او د هغوی د کورنیو لومړنیو اړتیاوو د پوره کولو په موخه عملي شوی دی.
ښاغلي محمد وویل، چې هرې کورنۍ ٤٥ قطعې چرګې، ٥ قطعي چرګان، اته بوجۍ خوراکه او درمل ورکړل شوه.
د ډاکار مؤسسې سیمه ییز مسؤل انجینر جواد رفیقي ،د ننګرهار د کرنې ریاست له همکارۍ مننه وکړه او ویې ویل، چې د پروژو په بریالي تطبیق کې د یاد ریاست همکاري د ستاینې وړ ده.
هغه څرګنده کړه، چې د هګیو چرګانو وېش اساسي موخه د بې وزله کورنیو ملاتړ، د مالدارۍ سکتور پیاوړتیا او په سیمه کې د خوړو خوندیتوب ته وده ورکول دي.
ښاغلي رفیقي  همدارنګه زیاته کړه، چې تېر کال هم د ډاکار مؤسسې له لوري په ننګرهار ولایت کې سلګونو بې وزله کورنیو سره په بېلابېلو برخو کې مرستې ترسره شوې وې، چې د هغوی د اقتصادي پیاوړتیا او د مالدارۍ د ودې په برخه کې یې مثبتې پایلې لرلې.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت