د کرنې وزارت تخنیکي پلاوي په کابل کې د وزارت د پروژو د پلي کېدو له بهیر څخه څارنه وکړه

mail-admin
سه‌شنبه ۱۴۰۵/۷/۷ - ۹:۱۳
هیئت تخنیکی وزارت زراعت از روند تطبیق پروژه‌های این وزارت در کابل نظارت کرد

۷ تله ۱۴۰۵ هـ.ش 
۱۶ رَبِیعُ الْثاني ۱۴۴۸ هـ.ق
د کرنې، اوبو لګولو او مالدارۍ وزارت د تخنیکي ټیم پلاوي، چې مشري یې د کرنیزو زېربناوو رئیس محمد عیسی کارګر کوله، د کابل ولایت په اړوندو سیمو کې د دغه وزارت د پروژو د پلي کېدو له بهیر څخه څارنه او ارزونه وکړه.
په دې ارزونه کې د کرنې، اوبو لګولو او مالدارۍ وزارت د بېلابېلو ریاستونو اړوند د ۱۵ پروژو کاري بهیر وارزول شو او د چارو د چټکتیا، د پروژو د پلي کېدو د کیفیت، له اړوندو قراردادونو سره د ترسره شویو فعالیتونو د مطابقت، د ستونزو د تشخیص او د هغو د حل‌لارو په اړه لازمې لارښوونې او اقدامات ترسره شول.
په دې څارنه کې د ریشخورو د پیله‌وري فارم د احاطې دېوال جوړول، د ریشخورو د غواوو فارم د غوجلو د بیارغونې چارې، د پغمان د قوریې فارم د تشنابونو او اوداسه‌خونو جوړول، د پغمان د قوریې فارم د احاطې دېوال جوړول، د قرغې د کبانو فارم د کبانو د حوضونو، پلي‌لارو او د فارم د آمریت د شعبو بیارغونه، او د تطبیقي څېړنو ریاست د احاطې دېوال، زېرمتون، د ساتونکي کوټې او نورو ساختماني چارو جوړول شامل وو.
همدارنګه، د خاورې پېژندنې ریاست د ودانۍ او سړک ترمیماتي چارې، د کرنیزو میکانیزه ریاست د انګړ او تشنابونو بیارغونه، د ریشخورو د لبنیاتو د احاطې دېوال جوړول، د ریشخورو د لبنیاتو د فابریکې او سړې خونې پروژه، په بادام‌باغ کې د ۲۵۰ مترو په ژوروالي د یوې څاه کېندل او د بیني‌حصار فارم د غوجلو بیارغونه هم د دې ارزونې برخه وه.
تخنیکي پلاوي د پروژو په سیمو کې له نږدې د چارو د وضعیت له کتنې وروسته، د اړوندو ریاستونو له رییسانو، د پروژو له څارونکو او د قراردادي شرکتونو له مسؤلینو سره د پروژو د پلي کېدو د بهیر د اغېزمنتیا، د چارو پر وخت د بشپړولو او د پروژو تر تسلیمۍ پورې د کیفیتي معیارونو د رعایت په اړه بحث او خبرې وکړې او لازم تخنیکي اقدامات یې ترسره کړل.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت