کرنې وزارت او «سي‌آراس» مؤسسې ترمنځ د ارزښت ځنځیرونو د پروګرامونو د پلي کولو هوکړه‌لیک لاسلیک شو

mail-admin
یکشنبه ۱۴۰۵/۷/۵ - ۹:۳
امضای تفاهم‌نامه همکاری میان وزارت زراعت و مؤسسه CRS برای تطبیق برنامه‌های زنجیره ارزش

۵ تله ۱۴۰۵ هـ.ش 
۱۴ رَبِیعُ الْثاني ۱۴۴۸ هـ.ق
د کرنې، اوبو لګولو او مالدارۍ وزارت او د «سي‌آراس» مؤسسې ترمنځ د ۱ میلیون او ۶۵۰ زره امریکايي ډالرو په ارزښت د همکارۍ هوکړه‌لیک لاسلیک شو چې موخه یې د هېواد په درېیو ولایتونو کې د کرنیزو محصولاتو د ارزښت ځنځیرونو پیاوړتیا ده.
دغه هوکړه‌لیک د کرنې وزارت د پلان او پروګرامونو د همغږۍ لوی رییس مولوي عبدالعلي عمري او د «سي‌آراس» مؤسسې رییس محمد آدم حامد له لوري، د یاد ریاست تر چتر لاندې د اړوندو ریاستونو د رئیسانو او د نادولتي مؤسسو د تخنیکي کمېټې د غړو په حضور کې لاسلیک شو.
د هوکړه‌لیک له مخې، په بامیان ولایت کې به د کچالو د ارزښت ځنځیر، په کندهار ولایت کې د مېوو د ارزښت ځنځیر او په هرات ولایت کې د زعفرانو د ارزښت ځنځیر اړوند پروګرامونه پلي شي.
دغه پروګرامونه به د تولیدوونکو د ملاتړ، د کرنیزو محصولاتو د ارزښت ځنځیرونو د ښه والي، او د یادو ولایتونو د کرنیزو محصولاتو د پراختیا او بازارموندنې لپاره د لا ښو فرصتونو د برابرولو په موخه پلي شي.
د کرنې، اوبو لګولو او مالدارۍ وزارت د کرنې د پراختیايي پروګرامونو د پلي کولو په برخه کې له همکارو بنسټونو سره پر اغېزمنې همغږۍ او همکارۍ ټینګار کوي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت