د پکتیکا ګومل ولسوالی کې یوشمېر بزګرانو سره د اړینو توکو مرسته وشوه
۲۰ غویی ۱۴۰۵ه.ش
۲۳ ذُو ٱلْقَعْدَةِ ۱۴۴۷ه.ق
د پکتیکا د کرنې، اوبولګولو او مالدارۍ ریاست د «اکشن اېډ» مؤسسې په همکارۍ د ګومل ولسوالی یو شمېر اوسېدونکو او کارګرو سره د کرنیزو او کارګریزو فعالیتونو د پیاوړتیا په موخه اړین توکي او وسایل ووېشل شول.
په دغو مرستو کې ۲۲ بوجۍ ۲۵ کیلویي مواد، د کارګرانو لپاره ۱۰۰ دانې کایې، ۱۰۰ دانې خرخاري او ۱۰۰ دانې بیلچې شاملې وې، چې ټاکل شوې ده د راتلونکو کرنیزو پروژو او عملي فعالیتونو په برخه کې ترې ګټه پورته شي.
د پکتیکا ولایت د کرنې، اوبولګولو او مالدارۍ ریاست چارواکو د «اکشن اېډ» مؤسسې له دغو همکاریو مننه وکړه او ویې ویل، چې یادې مرستې به د سیمې د اوسېدونکو د کاري اسانتیاوو، کرنیزو فعالیتونو او عامه خدمتونو د ښه والي په برخه کې مهم رول ولوبوي.
همداراز مسؤلینو د همکارو مؤسسو له دوامداره همکاریو څخه قدرداني وکړه او د کرنې سکټور د لا پراختیا لپاره یې د ورته مرستو د دوام غوښتنه وکړه.
