دهلمند په ریګستان کې ۴۰ زره نیالګي روزل کېږي
۱۳ غویی ۱۴۰۵ه.ش
۱۶ ذُو ٱلْقَعْدَةِ ۱۴۴۷ه.ق
د هلمند ولایت د کرنې، اوبولګولو او مالدارۍ ریاست د قدرتي سرچینو امریت اړوند، ریګستان سیمه کې د ۴۰ زره نویو مقاومو نیالګیو د روزلو چارې روانې دي.
دغه چارې د کرنې ریاست مقام په لارښودنه ، د قدرتي سرچینو امر محمد حسن محتاج په همکارۍ، د څړځایونو د تنظیم مدیریت له لوري ترسره کېږي، څو په یاده سیمه کې کرل شوي نیالګي پر وخت او په سمه توګه خړوب، وساتل او پالنه یې وشي.
د هلمند د کرنې ریاست چارواکي وایي، هڅه کوي چې د موسم له شرایطو سره سم د نیالګیو د اوبهخورۍ، ساتنې او پالنې چارې پر ټاکلي وخت ترسره کړي، ترڅو یاد نیالګي ښه وده وکړي او د سیمې په زرغونتیا، د صحرا د پراختیا په مخنیوي او د قدرتي سرچینو په ساتنه کې اغېزناک رول ولوبوي.
