د کرنې وزارت کارکوونکو لپاره درې ورځنی روزنیز پروګرام پیل شو
۲۹ وری ۱۴۰۵ه.ش
۱ ذُو ٱلْقَعْدَةِ ۱۴۴۷ه.ق
د کرنې، اوبو لګولو او مالدارۍ وزارت د کارکوونکو چارو ریاست له لوري د دې وزارت ۵۰ تنو کارکوونکو لپاره درې ورځنی روزنیز پروګرام پیل شو. دغه پروګرام د «اداري مراسلاتو او دفتري مدیریت» تر عنوان لاندې جوړ شوی، چې موخه یې د کارکوونکو د کاري ظرفیت لوړول ښودل شوې ده.
د دې پروګرام د پرانیستې په مراسمو کې د کرنې وزارت د کارکوونکو چارو رییس شمسالله محمد د زدهکړې پر اهمیت ټینګار وکړ او ویې ویل، چې دا فرصت د نوو ګمارل شوو کارکوونکو لپاره برابر شوی، څو خپل مسلکي پوهه لوړه کړي او په اداري او دفتري چارو کې لا زیات مهارتونه ترلاسه کړي.
نوموړي له ګډونوالو وغوښتل، چې د اداري مکتوبونو په لیکلو کې سادګي او روښانتیا په پام کې ونیسي او هڅه وکړي، چې مطالب په واضح او د پوهېدو وړ ډول وړاندې کړي، تر څو په مرکز او ولایتونو کې ادارې د دوی له فعالیتونو څخه ښه ګټه واخلي.
دا روزنیز پروګرام د درېیو ورځو لپاره د کرنې، اوبو لګولو او مالدارۍ وزارت د کارکوونکو چارو ریاست د ظرفیت لوړونې آمریت د استادانو له لوري پر مخ وړل کېږي.
