د نورستان کانتیوا ولسوالی کې پر یوشمېر بزګرانو د کرنیزو تخمونو او وسایلو بستې ووېشل شوې
۱۸ کب ۱۴۰۴ه.ش
۲۰ رَمَضانُ المُبارَک ۱۴۴۷ه.ق
د نورستان ولایت د کرنې، اوبو لګولو او مالدارۍ ریاست سره په همغږۍ د «ډيارسي» مؤسسې له لوري د کانتیوا ولسوالی کې د اقلیم سره د مقاومت لرونکې او دوامدارې کرنې د پیاوړتیا په موخه ۳۳ تنو بزګرانو ته د کرنیزو تخمونو او وسایلو بستې ووېشل شوې.
په دغو بستو کې ۱۵ کیلوګرامه د لوبیا اصلاح شوي تخم، ۵۰ کیلوګرامه توره سره، ۵۰ کیلوګرامه یوریا سره، بیلچه، تسکوره، پنجۍ، لور او رمبی شامل وو.
د دې مرستو موخه د بزګرانو ملاتړ، د کرنیزو حاصلاتو زیاتوالی او د اقلیم بدلون پر وړاندې د دوامدارې کرنې پیاوړتیا ده.
بزګرانو د نورستان دکرنې ریاست او دغه راز «ډيارسي» مؤسسې له چارواکو څخه خوښي څرګنده کړه او هیله یې وښوده، چې په راتلونکې کې هم ورته مرستې دوام ومومي.
