د کرنې او مالدارۍ مرستیال د افغانستان د چرګانو پالنې د ټولنې له غړو سره وکتل
۱۴ سلواغه ۱۴۰۴ه.ش
۱۵ شَعبان المُعَظّم ۱۴۴۷ه.ق
د کرنې، اوبو لګولو او مالدارۍ وزارت د کرنې او مالدارۍ مرستیال مولوي صدراعظم عثماني نن د خپل کار په دفتر کې د افغانستان د چرګانو پالنې ټولنې له یو شمېر غړو سره لیدنه وکړه.
په دې ناسته کې، چې د کرنې، اوبو لګولو او مالدارۍ وزارت د کرنې او مالدارۍ د معینیت په دفتر کې ترسره شوه، په هېواد کې د هګیو، غوښې، دانو، د چرګوړو تولید د زیاتوالي، همدارنګه د چرګانو پالنې د محصولاتو د بیو او کیفیت د ښهوالي په اړه خبرې وشوې. د ټولنې غړو هم د چرګانوپالنې د صنعت د پرمختګ لپاره خپلې طرحې، وړاندیزونه او نظریات د کرنې او مالدارۍ له مرستیال سره شریک کړل.
د چرګانو پالنې ټولنې د مسوولینو په وینا، د هېواد د چرګانو پالنې سکتور د ځانبسیاینې پړاو ته رسېدلی او هڅې روانې دي، تر څو دا سکتور په ټولو برخو کې په بشپړ ډول ځانبسیاینې ته ورسېږي.
