د کرنې وزارت پلاوي د هلمند دکرنې رییس سره وکتل
۲۱مرغومې ۱۴۰۴ه.ش
۲۱ رَجَب المُرَجَّب ۱۴۴۷ه.ق
د کرنې، اوبولګولو او مالدارۍ وزارت پلاوي د هلمند ولایت د کرنې، اوبولګولو او مالدارۍ له رییس مولوي شیراحمد رفیع سره د هغه په کاري دفتر کې وکتل.
یاد پلاوی چې په ترکیب کې یې د تدارکاتو رییس مولوي عبدالمجید مبارک او ورسره کاري غړي شامل وو، هلمند ولایت ته د خپل کاري سفر پلان د دې ولایت دکرنې رییس سره شریک کړ.
په دې ناسته کې د هغو پروژو په اړه هر اړخیز بحث وشو چې د روان مالي کال په ترڅ کې پیل شوې دي او لا یې چارې نیمګړې پاتې دي ، یاد پلاوي د کرنې رییس سره د پروژو د کارونو پر چټکتیا، منظم تطبیق او پر وخت بشپړېدو په موخه پر لازمو حللارو تفصیلي خبرې وشوې.
د هلمند ولایت د کرنې رییس پلاوي ته هرکلی ووایه او د پروژو د بریالي تطبیق لپاره یې د بشپړې همکارۍ ډاډ ورکړ. همدارنګه د کرنې رییس په هدایت یو ګډ پلاوی وټاکل شو، تر څو یادې پروژې له نږدې او په دقیق ډول وڅېړي او اړوند راپور وړاندې کړي.
باید وویل شي، چې دا ناسته د کرنې وزارت او ولایتي ادارې ترمنځ د همغږۍ، شفافیت او د کرنیزو پروژو د اغېزمن تطبیق په موخه مهم ګام بلل کېږي.
