د میدان وردګو جغتو کې پر یوشمېر بزګرانو د نخودو اصلاح شوي تخمونه وېشل کېږي
۶ مرغومې ۱۴۰۴ه.ش
۶ رَجَب المُرَجَّب ۱۴۴۷ه.ق
د میدان وردګو ولایت د جغتو ولسوالی په بېلابېلو حوزو کې د افغان سوله جوړوونکې مؤسسې تر چتر لاندې، د میدان وردګو لایت د کرنې، اوبو لګولو او مالدارۍ ریاست د مسؤلو کسانو په پوره همکارۍ، د ۳۰ تنو مستحق بزګرانو د اصلاح شویو نخودو تخمونو د وېش په موخه سروې ترسره شوه.
یاده سروې د افغان سوله جوړوونکې مؤسسې او د جغتو ولسوالی د کرنیزو خدمتونو د مسؤلو کارمندانو په حضور کې، په شفاف او منظم ډول ترسره شوه. د دې سروې موخه د هغو بزګرانو پېژندنه وه، چې د اصلاح شویو نخودو تخمونو ترلاسه کولو ته اړتیا لري، څو د هغوی کرنیز حاصلات زیات او معیشتي وضعیت ښه شي.
د مسؤلو کسانو د څرګندونو له مخې، ټاکل شوې ده چې په نږدې راتلونکې کې به یادو بزګرانو ته د نخودو اصلاح شوي تخمونه ووېشل شي.
په همدې حال کې، د جغتو ولسوالی بزګرانو دمیدان وردګو ولایت د کرنې ریاست او د افغان سوله جوړوونکې مؤسسې له کارکوونکو څخه د یادې پروسې د شفافیت او همکارۍ له امله مننه او قدرداني وکړه.
