د کندهار کوهکران څېړنیز فارم د بڼ ښاخبرۍ او کرنیزې چارې ترسره شوې

۳ لیندۍ ۱۴۰۴ هـ.ش
۳ جُمَادَى الثانی ۱۴۴۷ هـ.ق
د کندهارد  کرنې، اوبو لګولو او مالدارۍ ریاست تر رهبرۍ لاندې، د کوهکران څېړنیز فارم د مسلکي مسؤلینو له لوري د یاد فارم د بېلابېلو مېوو ښاخبرۍ، ځمکې قلبه کولو، کود علاوه کولو او شپږ ګوني کرنیزي عملیي چارې ترسره شوي دي.
د یاد فارم د بڼونو متخصص عبدالقدوس بارکزي وایي، چې یادې چارې یې د تېرو درو میاشتو په اوږدو کې ترسره کړې دي، چې په کې د انارو او املوکو حاصلات راټولول، د نندارتونونو لپاره د انارو او املوک چمتو کول، د لوکاټ قوریو پوجي کول، د بڼ لپاره د کیمیاوي سرو علاوه کول، په قلبه سوې ځمکه کې د شپشتي تخم کرل او د انځر، بادام، زردالو، شفتالو او آلو کلسیون ښاخبرۍ کول شامل دي.
نوموړی وایي، چې د ښاخبرۍ پر مهال ټولې ناروغې، ککړې او اضافي ساقي د مېوو له تنو څخه جلا شوي، ترڅو د مېوو لپاره هوا تنظیم شي او مېوه لرونکي ونې په منظم ډول وده وکړي.  
د یادونې وړ ده، چې د کوهکران څېړنیز فارم په کندهار کې د مېوو څېړنې لپاره یو ستر مرکز دی، چې په دې وروستیو کې یې چارې په ښه ډول پرمخ روانې دي، او نږدې راتلونکې کې به د انارو د ښاخبرۍ چارې هم پیل شي.