د کرنیزو څېړنو لوی رییس د کندز دکرنې رییس سره وکتل
۲۷ لړم ۱۴۰۴ هـ.ش
۲۷ جُمَادَى الأول ۱۴۴۷ هـ.ق
د کرنې، اوبولګولو او مالدارۍ وزارت د کرنیزو څېړنو لوی رییس مولوي نصرتالله طلحه او ورسره مل پلاوی کندز ولایت ته د سفر په ترڅ کې د کندز د کرنې، اوبولګولو او مالدارۍ رییس مولوي نیاز محمد عابد سره په کتنه کې پر بېلا بېلو موضوعاتو خبرې اترې وکړې.
د کرنې وزارت د کرنیزو څېړنو لوی رییس مولوي نصرتالله طلحه وویل، چې ددې سفر موخه د کندز په ولایت کې د پراختیایي پروژو د تطبیق ارزونه او څېړنیزو فعالیتونو څارل دي.
په لیدنه کې د څېړنیزو پروژو پر پرمختګ، د پراختیایي فعالیتونو پر تطبیق، او د کرنې په سکتور کې د تخنیکي اړتیاوو پر پوره کولو تفصیلي خبرې وشوې. مولوي نصرتالله طلحه د سفر موخه د مختلفو سیمو د څېړنیزو چارو ارزونه وبلله او د دواړو ادارو د ګډو همکاریو د پیاوړتیا ژمنه یې تازه کړه.
د کندز دکرنې رییس مولوي نیاز محمد عابد د پلاوي له راتګ او پاملرنې مننه وکړه او ډاډ یې ورکړ چې د کندز د کرنې ریاست به د څېړنیزو پروژو په همغږۍ، ملاتړ او اسانتیا برابرولو کې لازمې هڅې کوي.
