د خوست تڼیو ولسوالی کې د چارمغزو نیالګیو د ځایناستې کمپاین او د ترینچونو د بیا رغونې چارې ترسره شوې
۲۷ لړم ۱۴۰۴ هـ.ش
۲۷ جُمَادَى الأول ۱۴۴۷ هـ.ق
د خوست ولایت د کرنې، اوبولګولو او مالدارۍ ریاست د تڼیو ولسوالی د کرنیزو چارو د عمومي مدیریت تر څارنې لاندې، او د اړیکو دفتر «ټي.ال.او» په همکارۍ، د چارمغزو د نیالګیو د ساتنې او پراختیا پروسه په بریالیتوب سره بشپړه شوه.
په دې کمپاین کې شاوخوا ۹۰۰۰ هغه چارمغزو نیالګي چې د کمکۍ مڼې په ورژلې سیمه کې کرل شوي وو، وڅېړل شول. د ارزونې له مخې، نږدې ۳۰۰ نیالګي د بېلابېلو عواملو له امله وچ شوي وو، چې پر ځای یې هماغه شمېر تازه او معیاري نیالګي بېرته کېنول شول.
همدارنګه، د ترینچونو په تخریب شویو سیمو کې د خاورې د ساتنې، د تخریب د مخنیوي او د څړ وړ شنو سیمو د رامنځته کولو په موخه ۱۱۵ کیلو ګرامه رشقه کرل شوې ده.
په یاد فعالیت کې ۱۵ تنه کاریګرو ته د کار زمینه هم برابره شوې وه، چې دا د سیمې د خلکو د اقتصادي پیاوړتیا لپاره یو مثبت او اغېزمن ګام بلل کېږي.
