د روزګان چهار چینو ولسوالی کې پر ۱۱۸ اړمنو کورنیو وزې ووېشل شوې

۲۰ لړم ۱۴۰۴ هـ.ش
۲۰ جُمَادَى الأول ۱۴۴۷ هـ.ق
د روزګان ولایت د کرنې، اوبولګولو او مالدارۍ ریاست د معلوماتو له مخې، د دغه ولایت د چارچینو په ولسوالی کې د افغان پرمختیايي مؤسسې په مالي ملاتړ او د یاد ریاست په تخنیکي همکارۍ، پر ۱۱۸ اړمنو او مستحقو کورنیو وزې ووېشل شوې.
د روزګان دکرنې ریاست د چارواکو په خبره له مخکينۍ سروې وروسته، د ګډې کمېټې له لوري مستحقې کورنۍ په نښه شوې وې. د مالدارۍ او صحت حیواني آمریت تر مستقیم نظارت لاندې، د ولسوالی استازي، د کرنې او مالدارۍ استازو او د افغان پرمختیايي مؤسسې استازي په حضور کې د وېش چارې ترسره شوې.
د معلوماتو له مخې، هرې کورنۍ ته دوه  اصلاح شوي «چیلۍ نسل» وزې ورکړل شوې چې ټولې یې ۲۳۶ راسې کېږي. یادې وزې د قرنطین موده بشپړه کړې وه.
همدارنګه، دغو ۱۱۸ کورنیو ته د کورنۍ پر سر دوه بوجۍ، هره یوه ۵۰ کیلوګرامه ګډه حیواني خوراکه هم ووېشل شوه.