غزني کې ۸۴ بزګرانو ته د انجې نیالګي او کرنیز وسایل ووېشل شول
۱۷ لړم ۱۴۰۴ هـ.ش
۱۷ جُمَادَى الأول ۱۴۴۷ هـ.ق
د غزني ولایت د کرنې، اوبولګولو او مالدارۍ ریاست د کرنې وزارت په مالي مرسته، د دغه ولایت د اندړ، ګیلان، مقر، ناوه او خواجه عمري ولسوالیو ۸۴ تنه بزګرانو ته د انجې بوټو نیالګي او اړوند کرنیز وسایل ووېشل.
د پروګرام له مخې، هر بزګر ته ۷۰۰۰ د انجې بوټې نیالګي او اړوند وسایل ورکړل شول، څو د انجې بوټو د کرلو او پالنې چارې په ښه ډول ترسره کړي.
د غزني د کرنې ریاست چارواکي وایي، د غزني ولایت اقلیم د انجې نبات د کرلو لپاره مناسب دی او له پخوانیو کروندو څخه د دې نبات ښه حاصلات ترلاسه شوي دي.
دغه اقدام د بزګرانو د اقتصادي ملاتړ، د کرنیزو حاصلاتو د زیاتوالي او د بدیلو معیشتي فرصتونو د پراختیا په موخه ترسره شوی دی.
