فراه کې ۲۵۱ شنوخونو لرونکو ته د آفت وژنې وسایل ووېشل شول
۱۲ لړم ۱۴۰۴ هـ.ش
۱۲ جُمَادَى الأول ۱۴۴۷ هـ.ق
د فراه د کرنې، اوبولګولو او مالدارۍ ریاست په هڅو د دې ولایت په مرکز کې ۲۵۱ شنوخونو لرونکو ته د کرنې وزارت د پراختیایي بودیجې له لارې د درمل شیندنې چارجۍ ډبې ووېشل شوې. چارواکي وایي، دغه مرسته به د آفتونو او نباتي ناروغیو د کنترول ترڅنګ د شنوخونو د صنعت په پیاوړتیا کې مهم رول ولوبوي.
د یادې مرستې په ترڅ کې پر هر یو شنوخونه لرونکي باندې یو ۲۰ لیتره چارجۍ د درمل شیندنې ډبه ووېشل شوه.
چارواکي وایي، دا مرسته پر هغو کسانو وېشل شوې< چې له وړاندې د شنوخونو د لرلو اجازهلیک یې د فراه د کرنې ریاست کې ثبت کړې وې. د دې برنامې موخه د شنوخونو د آفتونو او نباتي ناروغیو مخنیوی، د شنوخونو لرونکو ملاتړ او په فراه کې د شنوخونو د صنعت وده او پراختیا بلل شوې ده.
شنوخونې د کرنیزو محصولاتو په دوامدار تولید کې ځانګړې ونډه لري او د یادو وسایلو وېش به د کروندګرو لپاره د حاصلاتو په لوړولو او د محصولاتو په کیفیتي بازارموندنه کې ګټور تمام شي.
