کندز ولایت ته د کرنې وزارت د خاورې څېړنو د رییس سفر
۲۰ تله ۱۴۰۴ هـ.ش
۱۹ رَبِیعُ الْثاني ۱۴۴۷ هـ.ق
د کرنې، اوبولګولو او مالدارۍ وزارت د خاورې د څېړنو رییس صبغتالله رحیمي کندز ولایت ته دخپل سفر په ترڅ کې ددې ولایت دکرنې رییس مولوي نیاز محمد عابد سره په کتنه کې پر بېلابېلو موضوعاتو خبرې اترې وکړې.
په دې لیدنه کې د د خاورې د څېړنو د مدیریت د جوړولو تر څنګ، د کندز ولایت د خاورې د سروې او تشخیص په اړه هم خبرې او نظرونه تبادله شول.
صبغتالله رحیمي د خپل سفر موخه د خاورې د څېړنو د مدیریت فعالول او د کرنیزو خاورې د ساینسي سروې ترسره کول وبلل، او زیاته یې کړه، چې دا پروګرام به د خاورې د کیفیت په پېژندنه، د حاصلخېزۍ په لوړولو او د طبیعي سرچینو په اغېزمن استعمال کې مهم رول ولوبوي.
په همدې حال کې د کندز دکرنې رییس مولوي نیاز محمد عابد، د کرنې وزارت له دې علمي نوښت څخه هرکلی وکړ او ډاډ یې ورکړ چې د ریاست لهخوا به د خاورې د سروې او څېړنیزو پروژو په عملي کولو کې بشپړه همکاري وشي.
