د کرنې وزارت د اراضۍ رياست لخوا سرحدونو، قومونو او قبایلو چارو وزارت ته ځمکه ولېږدول شوه
د کرنې، اوبولګولو او مالدارۍ وزارت د اراضۍ ریاست کې جوړه شوې غونډه کې، چې د اراضۍ ریاست د ځمکو د انتقال او وېش رياست د ځمکو د تبادلې آمر مولوي محمد فاروق امرخېل او د سرحدونو، قومونو او قبایلو چارو وزارت د خدماتو آمر ملا عبدالديان ديان ګډون درلود. د اراضۍ رياست لخوا سرحدونو، قومونو او قبایلو چارو وزارت ځمکه ولېږدول شوه. ياده ځمکه د عالیقدر امیرالمؤمنین (حفظه الله تعالی) د حکم په اساس د اراضۍ رياست لخوا یاد وزارت ته د بدخشان ولايت فيض آباد ولسوالۍ کې په (لس) جريب ځمکه باندې د پاميريان تر نامه لاندې د لېسې او ليليې د جوړولو په موخه ولېږدول شوه. د یادې ځمکې لېږد ټړون د کرنې وزارت د اراضۍ لوی ریاست د ځمکو د انتقال او وېش رياست د ځمکو د تبادلې آمر مولوي محمد فاروق امرخېل او د سرحدونو، قومونو او قبایلو چارو وزارت د خدماتو آمر ملا عبدالديان ديان ترمنځ لاسلیک شوه.
