فاریاب ولایت ته د کرنې وزارت د پلاوي سفر
۲۲ وږی ۱۴۰۴ هـ.ش
۲۰ رَبِیعُ الْأَوَّل ۱۴۴۷ هـ.ق
د کرنې، اوبولګولو او مالدارۍ وزارت د مالدارۍ او د حیواني روغتیا لوی رییس مفتي ذاکرالله ذاکر په مشرۍ یو پلاوی، د وزارت د مقام د سلاکارانو میرویس خوگیانی او محمد ولي وزیري په ملتیا، فاریاب ولایت ته سفر وکړ.
یاد پلاوی د فاریاب د کرنې له رییس مولوي جان مراد وقار، د کرنیزو چارو له آمر مولوي محمد ظریف رحیق، د طبيعي سرچینو له آمر حجتالله یعقوبي، د مالدارۍ او حیواني روغتیا له آمر محبالله قادري او د اراضۍ له آمر نفیبالله سنگري سره د کرنې او مالدارۍ سکتور اړوندو مهمو موضوعاتو باندې خبرې وکړې.
په دې ناسته کې د کانالونو او چکډېمونو د جوړولو، د څاڅکي اوبولګولو پروژو منظورۍ، د غنمو اصلاح شویو تخمونو، کیمیاوي سرو او د څارویو خوراکي توکو د کمښت او د مالدارۍ او حیواني روغتیا د آمریتونو لهخوا د مسلخونو مدیریت په اړه بحث او څېړنه وشوه.
چارواکو د دې سفر موخه د شته ستونزو ارزونه، د نظریاتو تبادله او د مرکز او ولایتونو تر منځ د همغږۍ پیاوړتیا او دغه راز د فاریاب د کرنې او مالدارۍ د وضعیت ارزونه وبلله ترڅو په دې ولایت کې د کرنې او مالدارۍ وضعیت ښه شي.
