د بلخ چهاربولک ولسوالی کې ۴۰ کاريګرو ته د کار اړین وسایل ووېشل شول
۱۲ وږی ۱۴۰۴ هـ.ش
۱۰ رَبِیعُ الْأَوَّل ۱۴۴۷ هـ.ق
د بلخ ولایت د چهاربولک ولسوالی د کرنیزو خدمتونو مدیریت د «اکټېډ» دفتر په مرسته، د یادې ولسوالی ۴۰ تنه کاريګرو ته چې د ویالو او کاریزونو د ترمیم او پاکولو په چارو بوخت دي، د کار اړین وسایل ووېشل شول.
په وېشل شوو وسایلو کې یوه جوړه موزې، دستکشې، واسکټ او نور اړین توکي شامل وو.
د یادونې وړ ده، چې څه موده وړاندې د همدې ولسوالی د رحمتآباد کلي د ویالو د څنډو د پاکولو او ترمیم لپاره سروې شوې وه، چې اوس یې عملي چارې په چټکۍ سره روانې دي.
