د بلخ شولګرې ولسوالی کې۲۱ مالدارانو ته د شېدو راټولولو کيټونه ووېشل شول
۲۳ زمری ۱۴۰۴ هـ.ش
۲۰ صَفَر المُظَفَّر ۱۴۴۷ هـ.ق
د بلخ د کرنې، اوبولګولو او مالدارۍ ریاست اړوند د مالدارۍ او حیواني روغتیا آمریت، د هالنډ کمېټې په همکارۍ، ددې ولایت د شولګې ولسوالی ۲۱ مالدارانو ته د شېدو راټولولو معياري کيټونه ووېشل.
په هر کيټ کې یو د شېدو د انتقال ډرم، یو د شېدو لوشلو ستل او یوه ۱۰ کیلوګرامه منرالي خښته شامله وه. یادې مرستې د دې لپاره دي، چې مالداران وکولای شي خپلې شیدې په پاکو او معیاري لوښو کې ولوشي او د شېدو ټولولو مرکزونو ته یې انتقال کړي.
په دې سره به له یوې خوا د شېدو مصرفوونکو ته پاکې او خوندي شیدې ورسېږي، او له بلې خوا به مالداران د شېدو د ساتنې او انتقال په معیاري طریقو بلد شي.
