هلمند کې د نخودو د کرکېلي د ترویج او تکثیر په پار څېړنې بریالی وې

۲۴لېندۍ ۱۲۹۸
د هلمند دکرنې، اوبولګولو اومالدارۍ ریاست وایي، د یاد ولایت په څېړنیز فارم کې د نخودو پر دوو ډولونو د څېړنې پایلې بریالی وې. د دوی په خبره پایلې ښیې، چې د نخودو دغه ورایټۍ ددې ولایت له اوبو، خاورې او هوا سره ښه توافق لري.
د هلمند د کرنې، اوبولګولو او مالدارۍ رییس زلمی الکو وویل، دوی هلې ځلې کوي چې په دې ولایت کې د کوکنارو د کرکېلي د مخنیوي په پار بزګرانو ته نوي توکي ور وپېژنې.
ښاغلي الکو وويل، په همدې موخه ددې ولایت په څېړنیزفارم کې د نخودو پر دوو ډولونو، چې د پسرلني او ژمني په نومونو یادیږي څېړنې وشوې، چې پایله یې مثبته ده.
د کرنې رییس زیاته کړه، اداره یې د یاد نبات په اړه تحقیق او څېړنې وکړې ترڅو د اوبو، خاورې، هوا او ناروغیو پروړاندې یې پایلې مطالعه او وروستۍ پایله یې له اړونده مقاماتو سره شریکې کړي ترڅو په راتلونکي کې یې هلمند کې ترویج او تکثیر کړي.
باید وویل شي، چې د هلمند دکرنې، اوبولګولو او مالدارۍ ریاست په دې ولایت کې د بزګرانو د ملاتړ او د کوکنارو د کرکېلي د بدیل پیداکولو په پار تل هلې ځلې کوي او په دې برخه کې یې ګڼ شمېر بریالي پروګرامونه هم پلي کړي دي.