د خوست علیشیرو او تریزیو ولسوالی کې د ۱۱ شنو خونو د جوړولو چارې پیل شوې
۲۵ چنګاښ ۱۴۰۴ ه.ش
۲۰ مُحَرَّمُ الحَرام ۱۴۴۷ه.ق
د خوست ولایت د کرنې، اوبو لګولو او مالدارۍ ریاست تر چتر لاندې، د عليشیرو او تریزیو ولسوالیو کرنیزو چارو مدیریت په همغږۍ، د ملګرو ملتونو د پراختیايي پروګرام «یو،ان،ډي،پي» په مالي او د ویژن سفلاي شرکت په تخنیکي همکارۍ د عليشیرو او تریزیو ولسوالیو په بېلابېلو کلیو کې د ۱۱ بابه شنو خونو د جوړولو چارې رسماً پیل شوې.
یادې شنې خونې به د یادو سیمو بزګرانو ته د موسمي سبواو نورو کرنیزو محصولاتو د تولید په برخه کې نوې او مؤثرې زمینې برابرې کړي.
د یادو شنو خونو د جوړولو په پار هر یو مستحق بزګر ته د اوبوټانکۍ، لمریزې تختې، د ټانکۍ اېښودلو فریم، سمسرسېبل، پلاسټیک، پایپونه، او د «بي،کیو» مطابق نور اړوند توکي وېشل شوي دي.
د خوست ولایت د کرنې، اوبو لګولو او مالدارۍ ریاست مسؤلین وايي، چې د دې ډول پروژو له لارې هڅه کوي د کرنې د عصري کولو، د حاصلاتو د زیاتوالي، او د بزګرانو د اقتصاد د پیاوړتیا لپاره عملي ګامونه پورته کړي.
