دهلمند ولایت مارجې ولسوالی کې یوشمېر بزګران وروزل شول
۲۴ غبرګولی ۱۴۰۴ ه.ش
۱۷ ذُو الحِجَّةِ ۱۴۴۶ه.ق
د هلمند ولایت د کرنې، اوبو لګولو او مالدارۍ ریاست اړوند د مارجې ولسوالی د کرنیزو خدمتونو مدیریت مسؤلینو له خوا لسګونو بزګرانو ته د سبو لکه بینډۍ، رومیان، بادرنګ او مرچکو د چینجیو او د رېښو د فنګسي او قارچي ناروغیو د مخنیوي په موخه عامه پوهاوی ترسره شو.
په دغه روزنیزه پروګرام کې بزګرانو ته د ترکیبي او کیمیاوي درملو د پاشلو لارې چارې هم ور وښودل شوې.
ګډونوالو له دې روزنیز پروګرامه خوښي وښوده او دهلمند د کرنې ریاست څخه یې غوښتنه وکړه، چې اصلاح شوي تخمونه، کیمیاوي درمل، شنې خونې او ننداریزو کروندو په برخه کې دې ورسره مرستې وشي.
په ورته وخت کې د کرنې سیمه ییزو کارکوونکو لخوا یادو بزګرانو سره د عامه پوهاوی او ګڼو نورو برخو کې د مرستو او همکاریو ژمنې وشوې.
