د هلمند دوو ولسوالیو کې د طبیعي کبانو نیونې په تور ۱۳ تنه نیول شوي
۱۳ غبرګولی ۱۴۰۴ ه.ش
۶ ذُو الحِجَّةِ ۱۴۴۶ه.ق
وروسته له هغې چې هلمند کې د طبیعي کبانو د نسل ختمېدو د مخنیوي په پار په دې ولایت کې د طبیعي کبانو پر ښکار بندیز ولګېد، د دې ولایت کرنې، اوبولګولو او مالدارۍ ریاست مقام په لارښوونه په مرکز لښکرګاه او ګڼو ولسوالیو کې له عامه سیندونو او کانالونو څارنه او ارزونه کېږي.
په همدې موخه تېره ورځ د کرنې ریاست د عامه خبرتیاوو با وجود د ګرشک او ګرمسېر په ولسوالیو کې په بېلابېلو وسیلو ځینو کسانو د عامو سیندونو او کانالونو کبان نیول چې د د یادو ولسوالیو د کرنې مسؤلینو لهخوا په نښه او نیول شوي دي.
په ورته وخت کې د یادو ولسوالیو د کبانو پخونکو ته بیا هم توصیه او سپارښتنه وشوه، چې د طبیعي کبانو له ښکار څخه په کلکه ډډه وکړي.
