ننګرهار کې د ۱۵ میلیونه افغانیو په لګښت دچرګانو درملو تولید او بسته بندۍ کارخونه په کار پیل وکړ
د ننګرهار د کرنې، اوبو لګولو او مالدارۍ ریاست په هڅو ننګرهار کې د مومند کوټوال چرګانو درملو تولید او بسته بندۍ شرکت د درملو تولید او بسته بندی په برخه کې په کار پیل وکړ.
د ننګرهار د کرنې، اوبو لګولو او مالدارۍ رییس مولوي محمد ولي محسن د مالدارۍ سکتور د پیاوړتیا او اقتصادي سپما لپاره یاد اقدام مهم وباله او همدارنګه یي د باکیفیته درملو تولیدولو غوښتنه وکړه. همدارنګه محسن د یادې کارخونې چارواکو ته د خپلې ادارې له اړخه د هر راز همکارۍ او همغږۍ ډاډ ورکړ.
دفاریکي مسؤل ډاکتر محمد غالب مومند وویل، چې د لومړې ځل لپاره یي په ننګرهار د درملو جوړولو او بسته بندۍ شرکت د ۱۵ میلیونه افغانیو په لګښت جوړ کړ، چې د څارویو لس قلمه درمل به تولید کړي.
همدارنګه سلګونو کسانو ته په مسقیم او غیر مستقیم ډول د کار زمینه هم برابره شي.
