ایران اکسپو نړۍوال نندارتون کې د ګډون په موخه ایران ته د کرنې او مالدارۍ مرستیال سفر
۶ غویی ۱۴۰۴ ه.ش
۲۸ شَوّالُ المُکَرَّم ۱۴۴۶ه.ق
د افغانستان اسلامي امارت د کرنې، اوبو لګولو او مالدارۍ وزارت د کرنې او مالدارۍ مرستیال مولوي صدراعظم عثماني، د ایران د صادراتي وړتیاوو اووم نړیۍوال نندارتون «ایران اکسپو» کې د ګډون په موخه ایران ته سفر کړی دی.
یاد نندارتون چې د غویي له ۸مې تر ۱۲مې نېټې پورې د پنځو ورځو لپاره دوام کوي، هر کال د نړۍ څهباندې سلو هېوادونو د لوړپوړو چارواکو او سوداګرو کوربه وي.
په دې رسمي سفر کې د کرنې د مرستیال ملتیا، د سوداګرۍ خونې مرستیال محمد یونس مومند، د کرنې او مالدارۍ خونې رییس خان محمد فروتن، د کرنې او مالدارۍ مرستیال تخنیکي سلاکار خلیل نورآقا صافی او ځیني کورني او بهرني پانګهوال کوي.
د دې سفر موخه د ایران د کرنیزو او حیواني محصولاتو او نوې صنعتي ټکنالوژۍ څخه لیدنه، له ایران مېشتو افغان سوداګرو سره د نظریاتو تبادله او د دوی هڅول چې په افغانستان کې پانګونه وکړي، د بهرنیو پانګهوالو جلب، د کرنې او مالدارۍ سکتور وده، اقتصادي اړیکو پیاوړتیا او د کرنیزو محصولاتو د صادراتو او وارداتو په برخه کې د اسانتیاوو رامنځته کول دي.
د کرنې او مالدارۍ مرستیال، د افغانستان د کرنې په برخه کې پراخو ظرفیتونو ته په اشارې سره، هیله څرګنده کړې چې دا سفر به د سوداګریزو اړیکو د پراخېدو او د لا زیاتو پانګونو د جلب لامل شي.
