د عشر او زکات ټولولو لوی رییس د بامیان والي او اړوندو چاراکو سره وکتل
۶ غویی ۱۴۰۴ ه.ش
۲۸ شَوّالُ المُکَرَّم ۱۴۴۶ه.ق
د کرنې، اوبولګولو او مالدارۍ وزارت دعشر او زکات راټولولو لوی رییس مولوي ندا محمد عابد د عشر او زکات راټولولو په برخه کې د سیمه ییزو چارواکو د همکارۍ د ترلاسه کولو په موخه بامیان ولایت ته د خپل سفر په ترڅ کې ددې ولایت له والي مولوی عبدالله سرحدي او اړوندو چاروکو سره په کتنه کې د عشر او زکات ټولولو په پرخه کې د ستونزو او ننګونو پر هوارولو خبرې اترې وکړې.
د کرنې وزارت دعشر او زکات راټولولو لوی رییس مولوی ندامحمد عابد د بامیان والي او سیمه ییزو چارواکو څخه وغښتل، چې د عشر او زکات د راټولولو په برخه کې دې د دې ریاست له سیمه ییزو کارکوونکو سره مرستې او همکاري وکړي.
په همدې حال کې، د بامیان والي مولوی عبدالله سرحدي د کرنې وزارت دعشر او زکات راټولولو لوی رییس ته په یاده برخه کې د هر ډول همکارۍ ډاډ ورکړ.
د کرنې وزارت د عشر او زکات ټولولو لوی رييس د کرنې وزارت د مالي او اداري مرستیال ملا آغاجان آخند «حاجي سالم» په لارښوونه د دغه رياست د کارکوونکو د يوه پلاوي په مشرۍ د ولایتي سفرونو په ترڅ کې بامیان ولايت ته سفر کړی دی.
