د بلخ دهدادي ولسوالۍ کې ۵۰۰ کسانو ته د سبو تخمونه او د څارویو خوراکي توکي ووېشل شوه
۳۰ وری ۱۴۰۴ ه.ش
۲۱ شَوّالُ المُکَرَّم ۱۴۴۶ه.ق
د بلخ دهدادي ولسوالۍ د کرنیزو خدمتونو عمومي مدیریت، د ډبلیو ایچ ایچ مووسسې په همکارۍ، د یادې ولسوالۍ په بېلابېلو کلیو کې ۵۰۰ مستحقو کسانو ته د سبو تخمونه او د څارویو خوراکي مواد ووېشل.
د وېش په یاده لړۍ کې، هر مستحق وګړي ته ۲۲۰ ګرامه د زردکو تخم، ۲۲۰ ګرامه د شلغمو تخم، ۲۲۰ ګرامه د پیازو تخم، ۶۰ ګرامه د بانجانو رومیو تخم، ۲۵ کیلو ګرامه توره سره، ۳۰ کیلو ګرامه سپینه سره او ۱۶۰ کیلو ګرامه د څارویو لپاره خوراکي مواد ورکړل شول.
د کرنیزو خدمتونو مسؤلین وایي، دغه مرسته د خوراکي خوندیتوب د ښهوالي، د کرنیزو محصولاتو د زیاتوالي او د مالدارو کورنیو د ملاتړ په موخه ترسره شوې ده. د دوی په وینا، دا ډول مرستې کولی شي د کلیو خلکو په اقتصادي وضعیت کې مثبت اغېز ولري. د سیمې اوسېدونکي د یاد اقدام ستاینه کوي او د ورته نورو برنامو د دوام هیله لري.
