میدان وردګو ولایت کې د ځمکې د ملکیت دعوه وڅېړل شوه
د میدان وردګو ولایت سیداباد ولسوالۍ اړوند بابکرخیلو کلي کې د دوو تنو ترمنځ د ځمکې د ملکیت دعوه د کرنې ریاست او تخنیکي پلاوي په حضور کې وڅېړل شوه. دغه دعوه د ګل الرحمن او کیمیا ګل ترمنځ وه.
د میدان وردګو ولایت سیداباد ولسوالۍ اړوند بابکرخیلو کلي کې د ګل الرحمن او کیمیا ګل ترمنځ د ځمکې د ملکیت دعوه د کرنې، اوبو لګولو او مالدارۍ ریاست په همغږۍ د تخنیکي پلاوي له لوري وڅېړل شوه.
په دې پلاوي کې د کرنې ریاست د ځمکوالۍ چارو تخنیکي آمریت آمر عبدالقدیم صالحي، د سیداباد ولسوالۍ استازی انجنیر محمد کریم محمدي او یو شمېر نور همکاران شامل وو. د دعوې څېړنه د دواړو لوریو په حضور کې ترسره شوه.
چارواکو وویل، د موضوع تخنیکي ارزونه به د قانوني اسنادو او شواهدو پر بنسټ دوام وکړي او د دواړو لوریو ترمنځ به د شفافې پریکړې هڅه وشي.
په افغانستان کې د ځمکې پر سر دعوې د شتمنۍ د ملکیت له مهمو شخړو څخه شمېرل کېږي. د دغو دعوو د حل لپاره د کرنې ریاست، تخنیکي ادارو او ځايي شوراګانو رول مهم بلل کېږي، ترڅو شخړې د قانون پر بنسټ حل شي او ملکیتونه په شفاف ډول ثبت شي.ش
