ننګرهار کې د جلغوزیو ترویج په موخه د ۴۵۰۰ اصله نیالګیو کېنولو چارې پیل شوې
۲۰ وری ۱۴۰۴ ه.ش
۱۱ شَوّالُ المُکَرَّم ۱۴۴۶ه.ق
د ننګرهار د کرنې، اوبو لګولو او مالدارۍ ریاست سره په همغږۍ د چارو ادارې لوې ریاست په مالي لګښت او د ننګرهار کرنې ریاست په تخنیکي همکارۍ په خوږباڼو، شېرزاد او حصارک ولسوالیو کې د ۴۵۰۰ اصله جلغوزیو نیالګیو کېنولو چارې پیل شوې.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل، چې د جلغوزیو د ښو ډولونو ترویج، بزګرانو لاسنېوي او ځنګلو بیا رغولو په موخه د خوږیاڼو ولسوالۍ مرکخېلو او خدرخېلو کلیو کې ۱۵۰۰ اصله د جلغوزیو نیالګي کېنول شول.
د ننګرهار د کرنې ریاست هڅه کوي په ځنګل لرونکو ولسوالیو کې د جلغوزیو بېلا بېل ډوله بوټي د ترویج او ښه حاصل ترلاسه کولو په موخه وکري.
