د اروزګان مرکز ترینکوټ کې حيواني درمل پلورنځي او کلينيکونه وڅارل شول
۲۸ کب ۱۴۰۳ه.ش
۱۸ رَمَضانُ المُبارَک ۱۴۴۶ه.ق
د کرنې، اوبولګولو او مالدارۍ وزارت اړوند د څارويو د روغتيا آمریت استازو ددې ولایت مرکز ترینکوټ کې د څارویو د روغتیا، او مالدارۍ مديريت له لورې، د ترینکوټ په مربوطاتو کې دحيواني درمل پلورونکو هټيو او کلينيکونو څخه څارنه او کنټرول ترسره شو.
د دغه کنټرول موخه د بې کيفيته او تاريخ تېرو درملو پلورمخنیوي، په خپل سر د هټيو پرانستل او د غير قانونې درمل او واکسینونو د واردولو مخنيوي دی.
ددې کنټرول په پايله کې يو شمېر هغه هټۍ او کلينيکونه چې د فعاليت جواز وخت يې تېر و او یایې جوازونه نه درلودل سپارښتنه ورته وشوه چي خپل جوازونه واخلی او یایی نوي کړي. او ترڅنګ يې يوه اندازه تاريخ تېر درمل ورڅخه راټول شول.
همدارنګه سپارښتنې ورته وشوې چې په راتلوونکې کې د غير معياري هټيو د پرانستلو، د بې کيفيته درملو او واکسینو د پلور او واردولو څخه په کلکه ډډه وکړي.
