د ننګرهار د مملي بڼ کې د انګورو او چنارو ۴۰ زره قلمې وکرل شوې

د ننګرهار د کرنې، اوبو لګولو او مالدارۍ ریاست له لورې د مملي په تاریخي بڼ کې د انګورو، چنار، انځر او رات کیراڼي ۴۰ زره قلمې وکرل شوې.
د ننګرهار د کرنې ریاست د طبیعي زېرمو آمر قاري کاهون عبدالرحمن اتل وویل، چې دوی د چنار، انځر او رات کیراڼي۲۰ زره  قلمې او همدارنګه د بېلابېل ډوله انګورو ۲۰ زره قلمې  وکرلې.
ښاغلي اتل وویل، چې د یادو قلمو د کرلو موخه په راتلوونکي  کې د نیالګیو په زیاته اندازه تولید او د سرسبزۍ رامنځته کول دي.
د ننګرهار د کرنې ریاست دنیالګیو روزلو درې لوی روزنځایونه لري، چې هر کال پکي زرګونه اصله مختلف النوع نیالګي روزل کېږي او هېوادوالو ته د کرنې وزارت د اصولو له مخې په واک کې ورکول کېږي.