د ننګرهار دکرنې ریاست؛ دره نور ولسوالی کې د ۱۰۰ زره افغانیو په لګښت څارویو غوجلو جوړولو چارې پیل شوې
۲۵ مرغومې ۱۴۰۳ھ.ش
۱۴ رَجَب المُرَجَّب ۱۴۴۶ه.ق
د کرنې، اوبو لګولو او مالدارۍ وزارت د ۱۰۰ زره افغانیو پراختیایي بودیجي په لګښت د ننګرهارد دره نور ولسوالۍ سروړ کلي کې ۱۰ تنو مالدارانو ته د غوجلو جوړولو وسایل ورکړل شو.
د ننګرهارد کرنې ریاست د طبیعي زېرمو امر قاري کاهون عبدالرحمن اتل وویل، چې د دره نور ولسوالۍ سروړ کلي کې څه موده مخکي د وحشي ژویو (پرانګ او لیوه) له لورې کورني حیوانات داړل شوي ؤ، نو یادو مالدارانو سره د مرستي په موخه د غوجلو جوړولو چارې پیل شوې.
ښاغلي اتل وویل، چې هر مالدار ته فینس جال، پايي، سمینټ،سکو جال دروازي او نور توکې غوجلو جوړولو لپاره ورکړل شوي.
ددې مرستې موخه د مالدارانو ملاتړ او په ټوله کې د څارویو خوندیتوب ته زمینه برابرول دي.
