د پکتیا په مرکز کې عمومي مسلخ څخه څارنه ترسره شوه
۲۵ مرغومې ۱۴۰۳ھ.ش
۱۴ رَجَب المُرَجَّب ۱۴۴۶ه.ق
د پکتیا ولایت د کرنې، اوبو لګولو او مالدارۍ ریاست د څارویو روغتیا او مالدارۍ خدمتونو امریت تخنیکي او مسلکي ټیم د پکتیا ولایت مرکز ګردیز د عمومي مسلخ څخه څارنه او کنټرول ترسره کړه.
د یادې څارنې پر مهال قصابانو ته د قصابیو د حفظ الصحې اصولو مراعتولو، بازار ته د پاکې او صحي غوښې عرضه کولو او د بې کیفیته غوښو مخنیوی او نه پلورلو اړوند مهمې سپارښتنې وشوې.
همدارنګه، په دې نظارت کې قصابانو ته اړوندې مسلکي لارښوونې هم وړاندې شوې ترڅو په ښار کې د غوښې کیفیت خوندي پاتې شي او د خلکو روغتیا ته زیان ونه رسېږي.
