هلمند ته د کرنې وزارت د کورني پلټنې چارواکو سفر
د کرنې، اوبولګولو او مالدارۍ وزارت د کورني پلټنې چارواکو هلمند ولایت ته د سفر په ترڅ کې ددې ولایت د کرنې رییس مولوي نیازمحمد وهاج سره وکتل.
ددې کتنې په ترڅ کې یادو چارواکو د خپل سفر موخه د هلمند دکرنې رییس سره شریکه کړه. دوی وویل: «د کرنې وزارت مقام په لارښودنه پلان لرو، چې د هلمند ولایت د کرنې ریاست د ١٤٠٢ او ١٤٠٣ کلونو د کړنو ، اسنادو او سوابقو ارزونه وکړو او بیا د خپلو بررسیو او څېړنو راپور د وزارت مقام ته وړاندې کړو.»
د هلمند دکرنې رییس راغلي پلاوي ته د ښه راغلاست ترڅنګ هغوی ته د خپلې ادارې په استازیتوب د څېړنو او ارزونو په پروسه کې د هر اړخیزې همکارئ ډاډ ورکړ.
هغه وویل د څېړنو او ارزونو په برخه کې به ورسره د ټولې ادارې کارکوونکي همکاري کوي، کومو اسنادو، سوابقو او معلوماتو ته چې اړتیا ولري پر وخت به ورسره شریک شي.
یاد پلاوی د خپلو څېړنو او ارزونو په برخه کې یوشمېر وړاندیزونه شریک کړل، چې ورته پر وخت د اصولي کړنو ډاډ ورکړل شو.
