هلمند کې د مالدارانو سره د شېدو ساتلو لوښو مرسته وشوه
۳ لېندۍ ۱۴۰۳ه.ش
۲۱ جُمَادَى الأول ۱۴۴۶ه.ق
د هلمند ولایت موسی کلا ولسوالی کې ۱۰۰ مالدارانو ته د شیدو د ساتلو المونیمي لوښي ووېشل شول.
یاده مرسته د هلمند د کرنې، اوبولګولو او مالدارۍ ریاست اړوند د مالدارۍ او څارویو روغتیا آمریت د هالنډ کمېټې په مالي همکارۍ کړې ده. دا لوښي د موسی قلعه د کرنې مسؤل مولوي حنیفي په همکارۍ هغو مالدارانو ته ووېشل شول، چې خپلې شیدې د شیدو راټولونې او پېرودنې مرکزونو ته رسوي.
د دې لوښو کارولو سره به مالداران وکولی شي شیدې په منظمه او پاکه توګه یادو مرکزونو ته ورسوي، چې په دې سره د شیدو د ضایعاتو او ناروغیو د لېږد مخنیوی وشي.
