د کندهار ارغنداب کې د طبیعي سرچینو ساتنې او پراختیا په پار هڅې
۳ لېندۍ ۱۴۰۳ه.ش
۲۱ جُمَادَى الأول ۱۴۴۶ه.ق
د کندهار د کرنې، اوبو لګولو او مالدارۍ ریاست؛ د ارغنداب ولسوالی د څړځایونو د تنظیم مسؤلینو له خوا د طبیعي بوټو، رودخونو او څړځایونو د ساتنې او پوهاوي په موخه کمپاین ترسره شو.
په یاد کمپاین کې د سیمې اوسېدونکو او مالدارانو ته د طبیعي زېرمو، څړځایونو، رودخونو او طبیعي بوټو د ارزښت، دې زېرمو ته ځانګړې پاملرنې او د هغوی د ساتنې په اړه عامه پوهاوی ورکړل شو.
دغه راز ددې کمپاین په ترڅ کې د یادو زېرمو د ساتنې او پاملرنې پر اهمیت ټینګار وشو او د طبیعي زېرمو د تخریب او زیانمنولو د مخنیوي په موخه سپارښتنې وشوې.
د یادونې وړ ده، چې په کندهار کې د کرنې مسؤلینو د طبیعي سرچینو د تخریب د مخنیوي لپاره تر بل هر وخت زیاته پاملرنه کړې او هېچا ته اجازه نه ورکوي، چې د هېواد طبیعي شتمنۍ زیانمنې کړي.
