سوداګریزو توکو د بسته بندۍ او صادراتو مرکز د جوړولو په موخه د کرنې وزارت لخوا صنعت او سوداګرۍ وزارت ته ځمکه انتقالېږي
۱۸ جمادی الاول ۱۴۰۶ هـ.ق
۳۰ لړم ۱۴۰۳ هـ.ش
په دغه ناسته کې چې د کرنې، اوبولګولو او مالدارۍ وزارت د اراضۍ لوی ریاست کې جوړه شوې وه، د ځمکو د انتقال او وېش رئیس مولوي سید محمد سعید او د صنعت او سوداګرۍ وزارت د صادراتو چارو رئیس محمد مجتبی زرشويي ګډون درلود.
یاده ځمکه د کرنې وزارت د اراضۍ لوی ریاست په وړاندیز او د عالیقدر امیرالمؤمنین (حفظه الله تعالی) د حکم په اساس، هرات ولایت د ګذرې ولسوالۍ کې په ۱۰۰ جریبه ځمکه باندې د سوداګریزو توکو د صادراتو د بسته بندۍ مرکز د جوړولو په موخه صنعت او سوداګرۍ وزارت ته انتقالېږي.
د یادې ځمکې د انتقال تړون د کرنې وزارت اراضۍ ادارې د ځمکو د انتقال او وېش رئیس مولوي سید محمد سعید او د صنعت او سوداګرۍ وزارت د صادراتو چارو رئیس محمد مجتبی زرشويي ترمنځ لاسلیک شو.
