د کرنې وزارت د اراضۍ لوی رياست له خوا ترانسپورت او هوايي چلند وزارت ته ځمکه انتقالېږي
۲۶ لړم ۱۴۰۳ه.ش
۱۴ جُمَادَى الأول ۱۴۴۶ه.ق
د کرنې، اوبولګولو او مالدارۍ وزارت د اراضۍ لوی رياست له خواه ترانسپورت او هوايي چلند وزارت ته د ۲۲۲ جريبه ځمکې د لېږد تړون تړلاسليک شو.
یاده ځمکه د ترانسپورت او هوايي چلند وزارت د وړانديز او د عالیقدر امیرالمؤمنین (حفظه الله تعالی) د حکم په اساس د هلمند ولايت نهرسراج، باباجي او ګرشک ولسوالیو کې په ۲۰۲جريبه ځمکه باندې د تير پارکونو، مسافر وړونکو او بار وړونکو موټرو د ترمينلونو او کندز ولایت حضرت امام ولسوالۍ کې په ۲۰جريبه ځمکه باندې د بار وړونکو موټرو د ترمينل د جوړولو په موخه د اراضۍ لوی رياست لخوا ترانسپورټ او هوايې چلند وزارت ته انتقال شوه.
د يادې ځمکې لېږد تړون د کرنې وزارت اراضۍ لوی ریاست د ځمکو د انتقال او وېش رییس مولوي سيد محمد سعيد او د ترانسپورت او هوايي چلند وزارت د مالي او اداري څانګې ارشد متخصص حزب اللّٰه حمیدي ترمنځ لاسلیک شو.
