د کندهار ارغنداب کې د طبیعي زېرمو ساتنې او پوهاوي څارنه ترسره شوه
د کندهار د کرنې، اوبو لګولو او مالدارۍ ریاست د ارغنداب ولسوالۍ په څړځایونو کې د طبیعي زېرمو د ساتنې او پوهاوي په موخه څارنه ترسره کړه.
د کرنې ریاست مسؤلینو په دې څارنه کې د سیمې اوسېدونکو او مالدارانو ته د طبیعي زېرمو، څړځایونو، رود خونو او بوټو ارزښت په اړه معلومات ورکړل. هغوی ته د دې شتمنیو د ساتنې اړوند پوهاوی وړاندې شو او ټینګار یې وکړ چې خلک باید د خپلو طبیعي زېرمو ساتنه وکړي او د هر ډول تخریب او زیان څخه ډډه وکړي. مسؤلینو وویل چې د زیانمنو فعالیتونو مخنیوي لپاره جدي اقدامات کوي او په راتلونکي کې به هم خپل فعالیتونه جاري وساتي.
دا څارنه د دې لپاره ترسره شوې چې د سیمې خلک د خپلو طبیعي شتمنیو په ارزښت پوه شي او د هغوی په ساتنه کې فعاله برخه واخلي. د کرنې ریاست د دې شتمنیو د ساتنې لپاره د لا زیاتو اقداماتو ژمنه وکړه.
