د ننګرهار دکرنې رییس د کرنې او مالدارۍ وضعیت د ارزونې په پار دوربابا ولسوالی ته سفر وکړ
۲۷ وږی ۱۴۰۳ه.ش
۱۴ رَبِیعُ الْأَوَّل ۱۴۴۶ه.ق
د ننګرهار د کرنې، اوبولګولو او مالدارۍ رییس مولوي محمد ولي محسن دکرنې او مالدارۍ وضعیت ارزوني، د کرنې پراختیا او د بزګرانو د ستونزو حل په موخه دوربابا ولسوالی ته سفر وکړ.
ددې سفر په ترڅ کې د ننګرهار د کرنې رییس د دوربابا ولسوال مولوي محمد خالد، د ولسوالی مرستیال خیر الله پاچا، ترویج مدیرانو او قومي مشرانو سره ددې ولسوالی دبزګرانو او مالدارانو ستونزو مشخص کولو او موٍثره پروژو تطبیق کولو په موخه ناسته وکړه.
د دوربابا ولسوال مولوي محمد خالد په دوربابا ولسوالی کې دکرنې او مالدارۍ برخه کې خپلي ستونزې او مشکلات شریک کړل.
ولسوال وویل دوربابا ولسوالی یو عزنیزه ولسوالی ده، چې کمې ځمکې لريو خو په کافي اندازه مالداري لرو نو د مالدارۍ سکتور پیاوړتیا لپاره د واکسینونو،حیواني خوراکي، نسلي وزو، خوسکیو سربېره بېرو مصنوعي ځنګلونو کرلو، اصلاح شوي تخمونو،شنو خونو او نورو اړونده برخو کې باید له کروندګرو او بزګرانو سره مرستې ووشي.
د ننګرهار د کرنې، اوبولګولو او مالدارۍ رییس مولوی محمد ولي محسن د یاد ولسوالی مسؤلینو، بزګرانو او ولسونو ته د کرنې او مالدارۍ په برخه کې د هر راز همکارۍ ډاډ ورکړ.
ښاغلي محسن وویل دوربابا ولسوالی یوه لرې پرته ولسوالی ده خو هڅه کوو د مالدارۍ او ځنګلونو بیا رغولو په برخه کې دلته پروژې پلي کړو .
د ننګرهار د کرنې رییس وویل د دوربابا ولسوالی ستونزې او غوښتنې د کرنې، اوبو لګولو او مالدارۍ وزارت او همکارو موسساتو سره د حل په موخه شریکوي.
دغه راز د کرنې رییس دعشر او زکات مسؤلینو ته په کارونو کې روڼتیا، ولسونو سره د ا.ا.ا کړنلارې مطابق چلند او نیک دیانتداره عاملینو ټاکلو سپارښتنې وکړې.
