فراه کې پر لسګونو کورنیو د روب او مربا جوړولو توکي ووېشل شول
د فراه ولایت د کرنې، اوبولګولو او مالدارۍ ریاست په هڅو د سولې بنسټ مؤسسې په تخنیکي همکارۍ ددې ولایت مرکز اړوند او پشت رود،خاکسفید،بالابلوک او قلعه کاه په ولسوالیوکې ۱۱۰ کورنیو ته د روب او مربا جوړولو توکي ورکړل شوي دي.
په یادو توکو کې هرې کورنۍ ته اووه قلمه توکې چې، په کې «ترازو، چاړې، جوسر، ګازي اجاق، دیګ او سطلونه» شامل دې ورکړل شوي دي.
دغه راز له دغو توکو برخمن شوي کسانو ته د روب جوړولو،مربا او اچار جوړولو، محصولاتو د ضایعاتو مخنیوی، بازارموندنې او نورو اړونده موضوع ګانو په هکله عملي او نظري روزنه هم ورکړل شوي دي.
