د هلمند بولان څېړنیز فارم کې د تجربوي تخمونو له کروندو څخه څارنه وشوه
۱۵ زمری ۱۴۰۳ه.ش
۱ صَفَر المُظَفَّر ۱۴۴۶ه.ق
دهلمند د کرنې، اوبولګولو اومالدارۍ ریاست اړوند د سوېل لویدیځ زون د اصلاح شویو تخمونو تصدیق ورکولو آمر قاري مولوي بشیراحمد (حمدالله) او اړونده کارکؤنکو له لوري دبولان څېړنیز فارم کې د تجربوي تخمونو له کروندو څخه لیدنه وشوه.
دبولان څېړنیز فارم کې دامهال پر بېلابېلو بوټو لکه سابه، جوار، سویابین، مۍ او پنبې پر تخمونو تحقیق او څېړنه د مسلکي کارکوونکو لخوا روانه ده چې له دغو تحقیقاتي کروندو څخه له نږدې څارنه او ارزونه ترسره شوه.
دیادې څارنې پر مهال د اصلاح شویو تخمونو تصدیق ورکولو آمریت مسؤلینو له لوري اړونده کارمندانو ته د څارنې پر مهال په بېلابېلو برخو کې د ښو تخمونو لاسته راوړلو په موخه لازمې لارښؤنې وشوې.
